RFI
ចុះផ្សាយនៅថ្ងៃ៖ ហ៊ុល រស្មី
ថៃបានសម្រេចជាឯកតោភាគីបិទច្រករបៀងព្រំដែនជាមួយកម្ពុជា កាលពីថ្ងៃសៅរ៍ទី៧ ខែមិថុនា ខណៈច្រកទ្វារអន្តរជាតិនៅជាប់ខាងកម្ពុជាក៏ថៃដាក់កំហិតម៉ោងចេញ-ចូលផងដែរ។ ការសម្រេចជាឯកតោភាគីរបស់ថៃបែបនេះធ្វើឡើងបន្ទាប់ពីយោធាថៃបានបើកការបាញ់ប្រហារមកលើទាហានកម្ពុជាស្លាប់ម្នាក់នៅត្រង់ចំណុចមុំបីក្នុងខេត្តព្រះវិហារ។
អ្នកជំនាញសេដ្ឋកិច្ចនៅប្រទេសកម្ពុជា វាយតម្លៃថា ថៃកំពុងបង្ករឿង និងធ្វើឲ្យខាតប្រយោជន៍ខ្លួនឯងធ្ងន់ ដោយសារតែថៃជាអ្នកលក់ទំនិញក្នុងចំនួនដ៏ច្រើនដល់កម្ពុជា។ អតីតនាយករដ្ឋមន្ត្រីកម្ពុជា លោក ហ៊ុន សែន លើកឡើងថា ពាណិជ្ជករថៃត្រូវសួរទៅរដ្ឋាភិបាលរបស់ខ្លួន ក្នុងករណីមិនអាចនាំទំនិញចូលកម្ពុជាបាន។
