ប្រវត្តិទឹកដីខ្មែរកម្ពុជាក្រោម៖
ទំនាក់ទំនងរវាងព្រះរាជានៃប្រទេសកម្ពុជា គឺស្ដេចជ័យជេដ្ឋាទី២ មានប្រពន្ធជាជនជាតិយួន ឈ្មោះចូវគឺជាកូនទី៨ របស់ស្ដេចយួនអណ្ណាមនេះហើយ ដែលបើកផ្លូវអោយជនជាតិយួនចូលមកតាំងលំនៅ លើដែន
ដីកម្ពុជាក្រោមនេះតាំងពីដើមសតវត្សទី១៧។
នៅគ្រិស្តសករាជ១៦២១ ដោយយកលេសថា ប្រទេសយួន មានចម្បាំងជាមួយចិន ទូតរបស់យួនបាននាំសំបុត្រពីរច្បាប់របស់ស្ដេចអណ្ណាម មកកម្ពុជា។ មួយច្បាប់ប្រគល់ស្ដេចជ័យជេដ្ឋាទី២ ជាកូនប្រសា និងមួយច្បាប់ទៀតប្រគល់អោយកូនស្រី ដើម្បីជួយនិយាយនិងស្វាមី សុំខ្ចីដីខ្លះនៅតំបន់កម្ពុជាក្រោម ដើម្បីបង្ហាត់សេនាទាហានយួន។
ការខ្ចីដីធ្វើជាមូលដ្ឋានបង្ហាត់ទ័ពនេះ មានរយៈពេល ៥ឆ្នាំ ហើយសន្យាថា គ្រប់ ៥ឆ្នាំ នឹងសងមកខ្មែរវិញ។
ចាប់តាំងពីពេលនោះមក ជនជាតិយួន បានដឹកកូនជញ្ជូនចៅបបួលគ្នាមកនៅលើទឹកដីខ្មែរ កាន់តែច្រើនឡើងៗ។
ទឹកដីកម្ពុជាក្រោម ឬដែលបារាំងហៅថាដែនដី កូសាំងស៊ីន (Cochinchine) ពីបរមបុរាណរបស់ខ្មែរ បានធ្លាក់ទៅក្រោមការគ្រប់គ្រងរបស់យួនកាលពីថ្ងៃទី៤ ខែមិថុនា ឆ្នាំ១៩៤៩ ក្រោមការចុះហត្ថលេខាប្រគល់ទឹកដីនេះទៅអោយប្រទេសយួនដោយប្រធានាធិបតីបារាំង លោក វាំងសង់ អូរីយូល (Vincent Auriol)។
welcome to Meatophum khmer
